現 (已結業)

忍不住上一间餐厅嘅嘈吵，于是走过嚟快饮杯咖啡。经过好多次，不过成日都被其他餐厅吸引，今次终于叫杯咖啡坐低。环境用木色为主带温暖感，设室内同户外位，室内就唔算有太多位，同埋感觉上有少少迫。户外就有两张二人台，仲有少少花草做装饰。Flat White $36杯子有怀旧感，影出嚟都好靓，入口奶好滑，咖啡不酸不苦，但同时都唔算好出色。Dirty $34相比之下，Dirty就甘味多少少，如果层次再分明多少少就好啦。最后，有朋友后join系打算外卖咖啡，店员可能担心我哋会一齐坐而「温馨」提醒，不过朋友转述店员系一声「喂」咁叫佢，都几无礼貌下，令到成个感觉唔好，希望佢哋细心少少，始终都系第一次帮衬。同事叫咗杯espresso orange soda，饮落似espresso+fanda，希望可以再「橙」啲。