樂天經典 (奧海城二期)

营业中

休息中

同學約我過嚟奧海城誠品書店買本參考書，順便一齊食飯，同學想食南亞菜，我就想食中菜，剛啱好見到UG樓的「樂天經典」就可以滿足我哋兩人的要求。餐廳空間好闊落，如果人多可以坐近窗邊的位置，街外景色宜人。Menu有唔少南亞風味粉麵飯，另外又有中式小菜，兩種不同風味菜式都可以選擇🥰🥰招牌扣肉包$32大廚要炮製一個好味嘅菜式真不容易，五花腩以星洲特調柱侯醬蒸製，前前後後用上7至8小時先完成，肉質入口即化，肥而不膩，配上自家制的面包🥯好滋味。新加坡海南雞套餐$88雞件數量都幾多，海南雞皮薄肉嫩，而且沒有血水，有三款醬汁，分別黑豉油、泰式酸辣汁及薑蓉😗😗配上香滑雞油飯及冬瓜雞湯👍砂鍋豆腐蝦$108熱辣辣，砂鍋上保持原汁原味，嫩滑炸豆腐，爽甜蝦仁🍤，清新可口，撈飯一流🥰甜酸生魚片$108炸生魚片外層脆香，掛滿酸甜醬汁，食落酸甜適中，唔會酸到搶喉，好開胃。