海景海鮮酒家

营业中

休息中

多年来，辗转试过流浮山唔少间酒家，试过最平又最差既球记海鲜酒家，又试过又贵又差既海湾海鲜酒家（净系识得摆阿发哥Ｄ明星相出黎做招来），今次见饮食男女推介试到海景海鲜酒家，感觉几满意，首先，黄油蟹$350只（包埋蒸蟹加工钱），大大只足１０两，虽然要预早一日预订，但系比外面海鲜档即时买到既黄油蟹仲平得多，比起我食个只细些少都要$380 仲未计蒸蟹钱，第二，好多人钟意自己拣海鲜再去酒家煮，我就懒懒地一次过o系度叫埋，起初都有担心过足唔足秤同新唔新鲜之类既问题，试过两次之后，我发觉仲足秤过自己去外边Ｄ档口买，或者，见到师奶去买就唔敢呃秤，后生仔女去？呃左都唔知啦！味道方面亦相当好，豉油王虾，有豉油香，够味唔过咸，豉椒炒蛏子，未上台都闻到豉椒香味，椒盐濑尿虾，平时我会贪方便会用较剪剪开食，不过呢度整得好好食，用手食仲滋味，果皮蒸大鲍鱼$25 只（净海鲜价），净肉size 有成张咭片咁大，难得一Ｄ都唔韧，仲鬼咁爽口，个个朋友都话好味到要食两只先够，店员又推介蜜汁烧蚝，好明显蜜糖甜味同蚝味唔多夹，所谓烧蚝其实又系炸蚝，感觉又怪又难食，新野真系试一次都嫌多。环境、地方唔可以有乜野祈望，求其冷气够冻又有