德美壽司 (新都城中心1期) (已結業)

上星期过来过来将军澳宝琳揾朋友食饭，佢话食过依间餐厅都ok，而我之前系红磡个边都食过，所以都有兴趣试下，于是就同朋友过去试下佢先。有单点menu又有set menu，见到有一个set 都几岩食，咁就叫左个德美海胆鱼生丼餐。之后就散叫左其他野食，都叫得几多野食，因为好肚饿。德美刺身丼都好足料，个set 有沙律同面豉汤。刺身好多片鱼生，有三件三文鱼，两片油甘鱼、一只带子，大虾，蟹柳，三文鱼籽同蟹籽，同埋海胆。海胆同三文鱼鲜甜，依个价黎讲绝对超值。散叫左寿司，有三文鱼腩寿司，洋风三文鱼寿司，同埋葱拖罗茸卷。洋风三文鱼寿司其实炙烧三文鱼，烧过更显得三文鱼肥美。三文鱼腩寿司一样鲜甜。食完生野都要食D 熟食，叫左个温泉蛋天妇罗，不过可惜蛋生左小小。之后点左两串串烧，一串系地鸡大葱串，我朋友食既，我就食烧鸡翼，烧鸡翼好味道。加埋一之后埋单一人230元，食到饱饱的，质素一样出色。