影片
更多
2018-10-28
2115 浏览
早前睇过出韩剧「一起吃饭吧3」，集集都讲食韩国特色好嘢，仲要拍到好鬼滋味，搞到小弟都心痒痒想食番餐韩国菜。韩国菜其实都好多元化，今晚走到嚟「朴生」，就喺为咗一次过可以试到多啲嘢，因为，依家逢星期五至日及公众假期，都转咗做任饮任食形式。咪睇个门面好似唔喺好大，其实，入到里面个铺位好长、好深，地方都颇大吓，加上楼底稍高，环境光猛企理，第一印象真喺几唔错。虽然，门口有大大个广告牌写住「自助晚餐」、「韩式火锅任饮任食」，原价$338，秋日试食价为$248 + 10%，但实际喺点玩法，真喺要介绍吓。首先，坐落店员会有张「点餐纸」俾你，韩式炸鸡喺任食，韩式火锅亦喺任食，每两个人可以拣一个锅底：人参鸡锅或海鲜部队锅，而后者就更有4款汤底可拣；而每位客人仲有一款限定美食：芝士焗济州元贝或迷你焖牛肋骨煲。此外，仲有堆追加食品、饮品、甜品，不过就需另付收费。个人就觉得都无需额外使呢啲钱，因为出面已摆放咗好多任食嘅食物。餐具、纸巾、湿纸巾早已放晒晌枱上，唔使劳烦店员，自主方便。虽然好多嘢都喺自助，不过，其他服务都好唔错，食物补充几快手，啲店员亦好有礼，尤其门口接待嘅后生哥仔，主力招呼我哋嘅妹妹，真喺超有笑容
咪睇个门面好似唔喺好大，其实，入到里面个铺位好长、好深，地方都颇大吓，加上楼底稍高，环境光猛企理，第一印象真喺几唔错。
虽然，门口有大大个广告牌写住「自助晚餐」、「韩式火锅任饮任食」，原价$338，秋日试食价为$248 + 10%，但实际喺点玩法，真喺要介绍吓。
首先，坐落店员会有张「点餐纸」俾你，韩式炸鸡喺任食，韩式火锅亦喺任食，每两个人可以拣一个锅底：人参鸡锅或海鲜部队锅，而后者就更有4款汤底可拣；而每位客人仲有一款限定美食：芝士焗济州元贝或迷你焖牛肋骨煲。此外，仲有堆追加食品、饮品、甜品，不过就需另付收费。个人就觉得都无需额外使呢啲钱，因为出面已摆放咗好多任食嘅食物。
餐具、纸巾、湿纸巾早已放晒晌枱上，唔使劳烦店员，自主方便。虽然好多嘢都喺自助，不过，其他服务都好唔错，食物补充几快手，啲店员亦好有礼，尤其门口接待嘅后生哥仔，主力招呼我哋嘅妹妹，真喺超有笑容、超有礼。
韩式炸鸡虽然可以任点，但考虑到仲有好多嘢食，所以，店员提议先落单两只，因为，佢哋嘅炸鸡真喺坚大只，而且，都喺新鲜即叫即做。最惊喜喺啲炸鸡伴酱，有成6款之多，而且甚具特色，仲另有6款配料添。
小弟就拣咗青柠牛油果酱及黑糖梅子酱，果然好有特色，前者口感绵滑，带青柠嘅清香；后者就酸酸甜甜，而酸味感觉醇厚。啲炸鸡亦好出色，新鲜热辣够脆口，却喺唔油腻，啲肉又够嫩㖞。
韩式炸鸡
17 浏览
0 赞好
0 留言
芝士焗济州元贝个人对客芝士焗元贝感觉一般，因为，个白汁底太厚身，冲淡晒啲芝士香味，还好嘅喺啲元贝几爽口，不愧老远过嚟嘅济州货。
迷你焖牛肋骨煲真喺好，迷你版本，试得到又唔会太饱。对比客元贝，件牛肋骨确喺正好多，焖到啲肉好松化，味道浓郁，就连底下嘅白萝卜、甘笋都入晒味。
迷你焖牛肋骨煲
7 浏览
0 赞好
0 留言
最正斗喺𠮶两款韩式火锅锅底，就晌门口摆咗实物你做参考，由于个鸡锅喺原整一只鸡，真喺怕得两个人食完个鸡锅都再食唔到啲乜嘢，所以，就要个部队锅，仲要喺减码，等我哋可以再试多啲其他嘢。
而枱上嘅电磁炉有晒使用指引，以控制火力，简单易用，更重要喺，多加一句温馨提示：「爱惜地球、不要浪费」！所以，我哋都食得好有节制，绝无浪费。
海鲜部队锅虽然减码，但样样食材有啲，最后嘅份量都喺唔少，而我哋拣咗虾汁芝士汤，所以，汤底呈奶白色，味道都唔错，有啲鲜味，又有啲芝士香。咁叫得部队锅，就喺大堆头啦，又虾、又蚬、又餐肉……配公仔面，喺奢华嘅「公仔面」。
究竟出面有几多嘢食，逐样介绍吓先。餐厅中央，有张大枱，摆放咗好多生、熟嘅食物。酱料区，就正如平常酒楼啲任食火锅咁，自己混酱自己搞，相信港人非常熟悉呢个玩法。
特选牛肉话就话几款肉喺可以任点，但3款肉少试牛刀各点一客试试就够。啲牛肉睇落唔喺话好似平时食涮涮锅布满油花，但啲肉质都真喺唔差。
鸡柳由于啲鸡柳切成一片片，又唔太厚身，都较易控制灼熟所需时间。灼过之后，啲鸡柳入口确喺几嫩滑细致。
黑毛猪啲猪肉用上腩位，而且，睇落又几靓仔，色泽红润。而黑毛猪果然喺有质素，食落好有肉味及脂香。
火锅食材（蔬菜）食完啲肉，就介绍吓出面任攞任食嘅食材。有好多蔬菜种类及公仔面，其中一款仲喺少见嘅羽衣甘蓝添。食完部队锅，再嚟「烚吓烚吓」之用。目测所见，啲蔬菜都几新鲜，有光泽。
火锅食材（其他）暂时跳一跳去另一边，因为有一组大雪柜，摆放多款丸类、香肠、蚬、饺子、鱼柳……等等，同样喺配合食部队锅嘅食材。就算样样只拣少少，都食到你饱上心口呀！
前前后后都食咗唔少肉，所以，我哋后段拣火锅食物主要都喺食番多啲蔬菜，以平衡番餐饭嘅营养、纤维。
热食1无论炸鸡、部队锅、烚吓烚吓嘅食材都要时间等，如果想即时有嘢落肚都无问题，4款热辣辣美食已一早就绪等你试，包括：关东煮、辣炒年糕、韩式果酱鸡翼及港式嘅咖喱鱼蛋猪皮，但讲真，今次对呢几样嘢嘅兴趣就唔大。
热食2反而，隔离另外几款热食就有兴趣啲，包括韩式海鲜煎饼、泡菜煎饼及天妇罗野菜。啲煎饼又真喺几好食㖞，天妇罗野菜亦唔差，至少唔油腻，不过，就无小弟心水嘅蕃薯同南瓜，其实唔知有无供应，不过，走过几转都唔觉有。
中式老火汤迁就番香港人口味，特设一锅中式老火汤，唔喺咩特别汤水，似喺青红萝卜粟米煲猪骨一类，味道都唔错，都够老火，但就觉得油咗啲啫。
石锅饭或韩式拌饭大枱上最后一类美食，就喺石锅饭或韩式拌饭，枱上有好多配料配个人喜好嚟配搭，如黑豆、菠菜、大豆芽、泡菜、韩式辣鸡、韩式烤猪肉、韩式烤牛肉、海鲜杂绵……等等，全程自己动手搞，究竟想食石头锅饭定拌饭，在乎你拣个咩兜，前者就要拣个石锅，再埋位以电磁炉加热至饭焦效果。
虽然我都钟意食石头锅饭，但一攞就一锅，肯定食唔晒，盏嘥！故此，就拎咗一小兜配菜，当喺前菜咁食，过吓口瘾都好吖。
饮品区有3款现成调好嘅特饮冰茶，食炸鸡及火锅，有啲凉快嘢入口的确几爽，不过个人觉得有少许偏甜。而其中一款更加入真露，不过，酒精度唔高，大可放心饮。
但如果唔饮得冻饮，又想饮啲热饮，点算好？斋饮热水？小弟有计，就喺晌炸鸡酱里面，有一款柚子酱，试过根本就喺柚子蜜，自行加热水成为一杯热柚子蜜即可。
甜品区自诩为自助餐，又点少得供应甜品！甜品区正正设晌入门口附近，喺进入内堂嘅必经之路，款式唔算好多，但部份做得颇精致。计有朱古力喷泉、多款樽仔甜品、棉花糖、芋圆、仙草……等等。
之前，一路都食得比较克制，无非都想临尾试多几样甜点，一口气拎咗芒果拿破仑、宇治金时蛋糕杯、石板街、椰奶黑糖仙草，因为同样以小玻璃樽装住，更显的骰。味道亦比预期好，尤其芒果拿破仑、宇治金时蛋糕杯，都喺新派演绎，配搭出色。
宇治金时蛋糕杯
9 浏览
0 赞好
0 留言
有去开日本住温泉旅馆嘅朋友都知，例必「一泊两食」，即喺一晚住宿就包埋晚上及早上两餐，嚟到「朴生」，就「一朴多食」，食乜、食几多都可以自由控制，唯独喺无韩烧啫，否则，就满足晒咁多个愿望喇。
张贴
