弘文館

营业中

休息中

同朋友行过铜锣湾广场，见到有一间新开无耐嘅中餐，正确嚟讲系江南菜，之前都未试过，一于试下。上到10楼，餐厅中式装修真系好靓，好优雅，唔怪得餐厅个名都好有文学气式。首先我地叫左个前菜，芥味绣球菌，好清爽同带有wasabi味，但味道唔会令人食落唔舒服，成个配搭都好match，十分推介。适逢蟹季，餐厅都出左好多用蟹做材料嘅菜式，我地叫左个蟹粉河虾仁，话哂平时出面都好少食到，清爽虾仁加上新觧蟹粉，令味道更有层次。点心我地叫左蟹粉小笼包，皮算薄而汤汁好饱满，几好食。之后呢样，简直令我回味无穷，以为一个好普通嘅牛柳粒，点知好食到回味无穷，充满牛香，完全唔硬，好好食。菜方面叫左蟹粉扒豆胚，清甜嫩滑，菜都好新鲜。店员推介我地食扬州炒饭，话用左3种唔同地方嘅米嚟炒，果然令我好惊喜。第一，炒得好干身，食得出米饭一粒粒感觉，另外每啖都食到唔同米带出嘅层次，呢样出面真系食唔到！最尾叫左个糖水，糖桂花莲子，估唔到份量咁足，桂花味调配得相当出色，莲子煮得岩岩好。