貓咪貓咪HOME (已結業)

第一次帮衬猫Cafe，虽然话嚟得猫cafe， 重点都系想同猫猫玩，而唔系呢度嘅嘢食，但呢度嘅嘢食同服务真系不敢恭维...去到嘅时候成间铺都坐满人，waitress个面口已经唔系好，我同佢讲我冇著到袜(事前冇做好功课👉🏼👈🏼)，佢就话10一对埋单嘅时候计，除咗鞋嘅我就坐咗喺度等，等到呢位完全冇笑容又好似有啲暴躁嘅waitress再返嚟理我哋嘅时候，好似完全唔记得左我哋又重新问过几多位乜乜乜果啲。我哋同佢讲登记左架啦，但未有对袜..，话口未完佢就覆一句"而家俾你啰"。我真系....亦没有提及最低人均消费，其后见staff同其他客人讲先知，好在我地都够。我嗌左个carbonara，无错嘅烟三文鱼摆到成朵玫瑰花咁真系好靓架，但系个意粉...摆落口第一啖我就心谂真系叫做carbonara..?感觉系买现成酱汁沟左过多既水?猫咪其实都真系好可爱，但好多猫瞓着咗而好多客人都去搞佢地，想像下全场爆满，个个都同猫猫玩/影相。我就唔太想阻住猫咪休息，所以都系静观。