嚐仙

营业中

休息中

我很多时候，都喜欢去Yoho嘅尝仙，亨受一下食甜品嘅满足感，今日下午亦如是。可惜今日碰啱有位小姐做我张单，就当堂有气受多过享受！其实我睇嘅中医，唔俾我食冻嘢，所以我落order个 “五色黑糖冰” 𠮶阵，就要求走冰。点知小姐坚持拒绝，话公司规矩无得走冰。之前亦想要两份仙草，因为只有四欵喜欢嘅选择，但小姐亦系好夸张咁讲: “一定唔得”！我话佢知，其实我食过好多次，之前两个要求都冇问题。而且之前啲职员都好好，几次都俾咗多啲水/糖水我，好解渴，唔使干啃啲芋圆小丸子！但小姐话: “公司系唔可以，所以一定唔会做俾你啰！”小姐见我好坚持，佢话唔想同我闹交，所以终于肯俾我走冰。原来落单𠮶位职员，就系做甜品俾客同一个人。唔知佢系咪故意，今次个甜品，系干到一滴水都无，我唯有干啃，好委屈咁食完呢餐！真受气！今时今日消费，原来消费者有咁多规矩要遵守！其实打开门口做生意，点解唔可以弹性一啲呢？客人食得开心的话，一定会多啲帮衬。下次如果再去，一定要睇清楚轮到边个职员落单。讲真，如果又系呢位 “乜都唔得小姐”，真系要走夹唔抖、唔想再贴钱买难受！