影片
更多
2016-04-27
1071 浏览
因为一杯星座既饮品﹐我宝宝就book左呢间餐厅试试... 当日我地book 左下昼一点﹐迟了大概5分钟到。餐厅装修都okay﹐睇得出系花过啲心思... 但我对黎讲﹐除左装修之外﹐呢间餐厅可以讲系"一无事处"... 一坐低﹐我宝宝就急不及待打算叫个杯星座饮品 - 只因睇佢地个ad 系话啲星座饮品每日只系限量8-10杯。谁不知﹐个waiter (定唔知老板) 就答我地 "要2点先有得嗌"... 我地顿时语塞﹐之前一日打去book枱时﹐我地已经表明左系为个杯星座饮品而黎﹐我地book 1点亦都系餐厅既人建议。我地就讲返比呢位waiter知book枱时既对话﹐佢就答我地 "要2点先有得嗌﹐因为个c苦今日返2点"... Anyway, 横竖我地都打算将杯星座饮品变成我地既甜品﹐于是乎我地就睇 menu﹐睇下有咩食...我有一个习惯﹐要试或要拣一间餐厅食之前﹐都会去openrice 睇下。睇得耐左﹐都感受到有啲食评都未必系"真食评"... 从呢间餐厅燎燎十多则既食评里面﹐我特别留意那3则"喊"；然后再望望隔离枱叫左既 lobster roll﹐基本上 呢间餐厅 呢个咁 signature 既 di
当日我地book 左下昼一点﹐迟了大概5分钟到。
餐厅装修都okay﹐睇得出系花过啲心思... 但我对黎讲﹐除左装修之外﹐呢间餐厅可以讲系"一无事处"...
一坐低﹐我宝宝就急不及待打算叫个杯星座饮品 - 只因睇佢地个ad 系话啲星座饮品每日只系限量8-10杯。
谁不知﹐个waiter (定唔知老板) 就答我地 "要2点先有得嗌"... 我地顿时语塞﹐之前一日打去book枱时﹐我地已经表明左系为个杯星座饮品而黎﹐我地book 1点亦都系餐厅既人建议。
我地就讲返比呢位waiter知book枱时既对话﹐佢就答我地 "要2点先有得嗌﹐因为个c苦今日返2点"...
Anyway, 横竖我地都打算将杯星座饮品变成我地既甜品﹐于是乎我地就睇 menu﹐睇下有咩食...
我有一个习惯﹐要试或要拣一间餐厅食之前﹐都会去openrice 睇下。
睇得耐左﹐都感受到有啲食评都未必系"真食评"...
从呢间餐厅燎燎十多则既食评里面﹐我特别留意那3则"喊"；然后再望望隔离枱叫左既 lobster roll﹐基本上 呢间餐厅 呢个咁 signature 既 dish 我已经无打算食...
虽则我无系香港食过lobster roll﹐但外国既lobster roll﹐料足、价钱公道 - 大概都系一百蚊港纸左右。睇过 openrice 既相﹐再睇埋隔离枱个件 lobster roll﹐$288 呢个价钱应该有更多其他既选择
最后我地就叫左 mini burger ($148) 同一个类似芝士肉酱薯条 ($48) 两样野
mini burger 一上枱﹐其实个presentation 系几靓。3件mini burger 里面﹐有一件仔系龙虾三文治。味道普普通通﹐有啲似系m记cafe 食个只龙虾仔三文治... 另外个两旧burger 一件系牛、另一件系辣肉酱﹐普普通通。唯独系个薯条 (幼) 不错﹐都好香口
因为呢个薯条都okay﹐令到我地对芝士肉酱薯条满怀希望。
一上枱﹐其实个卖相系okay﹐只系原来系粗薯条...
一食﹐就有问题... 一来﹐肉酱薯条既肉酱应该要汁啲﹐咁啲薯条先可以沾多啲肉酱﹐放入口食就一流；二来﹐再加埋溶溶地既芝士﹐三样夹埋先好食...
点知﹐佢啲肉酱真系一pat 肉﹐薯条颇难沾到啲肉汁；再者﹐个度啲冷气好大﹐啲芝士已经变左一饼﹐溶都唔溶﹐结挞挞咁挞左系度...
系无肉汁、无芝士既亲托之下﹐干啃粗薯条系一件苦事... 食食下我都无心机
终于挨到2点﹐可以叫个杯野饮喇﹗
有个waitress 好好﹐记得我地系想饮星座饮品﹐一到2点就走黎提我地。
杯野饮上到枱﹐系几靓、睇得出c苦放左好多心机。有几粒棉花糖、cream、士多卑利既饮品﹐要$98
当日有啲 lunch set, 轻轻睇过都系啲意粉之类﹐价钱大概百多元。
我地环顾附近食客食既野﹐都系好细份 - 不论系lobster roll, 意粉﹐只碟就好大﹐但份量都少
总括黎讲﹐食物质素普通﹐服务亦只不过是楼上cafe水平﹐但价钱则很进取。
一次就够了....
mini burger
$148
95 浏览
0 赞好
0 留言
芝士肉酱薯条
$48
93 浏览
0 赞好
0 留言
星座饮品
$98
180 浏览
0 赞好
0 留言
张贴
