香港茶餐廳 (已結業)

正所谓拜得神多自有神庇佑！去完黄大仙还神都差唔多下午一点，于是去隔离嘅龙翔商场医医肚！　睇完商场水牌，就扑槌呢间香港茶餐厅！去到唔太多人，装潢都算光猛阔落！拣左一阵，终于拣左是日午餐A：香茅猪扒煎肠仔意粉（跟汤和餐饮, $38）！不过我挥左好耐手先至有侍应黎落单。。。。整体上，成碟午餐A都干争争 ，因为意粉又冇汁拌，味道好单寡！ 虽然系咁，但意粉Ｄ口感就ＯＫ，几弹牙又唔觉稔！至于块香茅猪扒就好干身，质感好硬又唔够稔而且食落有渣 ，最重要系Ｄ香茅唔太入味，似普通煎猪扒多Ｄ ，所以我用附上嘅姜葱蓉捞黎食！另外，煎肠仔就一般，冇咩意见！餐汤（合掌瓜汤）：一碗有２旧瓜，但味道淡如水！ 都系放弃，饮我的餐饮好过！