豚王 (已搬遷) 新店位置

想试好耐，但一直未可以鼓起勇气去排成粒钟食碗拉面，距离之前电视节目出街后已有一段时间，而且又开左分店，终于决定去试一试。去到后人未算好多，不过都排左半个钟左右，排队既方式有点混乱，不停走黎走去来回几次，同埋大热天时的确好辛苦，不过幸好店员都有递上冰水同纸扇，服务几好。不过可惜店入面冷气唔够，系出面排完队已经好热，入到去仲要唔凉既...食物好快就黎到，我点左赤王，朋友点左黑王，我个赤王食落味道非常普通，面质亦系，唯一可取既就系块叉烧真系好味过其他拉面店，而且够大块。朋友话佢个碗黑王都好普通。不过我同佢都顶唔顺食晒成碗拉面就埋单，因为实在太热，本身冷气唔够凉仲要食热辣辣既拉面，简直地狱咁。同埋呢到既坐位亦非常挤迫，我坐最入既位置已经算好，朋友坐果个位同其他人太近，一递起手食面就会撞到人地，而且我眼见令人张台既人坐得仲迫过我地个张...总括黎讲，系得块叉烧好味d，同埋服务算系咁，不过真系唔值得咁排队法去食，而且成餐都食得好唔舒服。