榮園麵家

营业中

休息中

放工后去旺角买完电器，就周围睇下有咩食。见到门口贴住旧照片，话开业几十年，由横巷面档搬入铺位，谂住点都 ok ，可以试下啦。入到嚟，座位逼夹就预咗，反正过咗繁忙时间，唔洗我搭台就得啦！叫咗个牛腩捞面，嚟到个面咁细既？ 只系略略铺咗个碟底。 捞面理应比普通汤份量多啲架！ 若果唔系，洗咩要比贵啲钱食捞面啫？食汤面咪得啰？ 牛腩得碎湿湿几旧。味道正常，唔算难食，但就一定唔会有惊喜啦！呢啲所谓街坊小店，帮衬一次就够皮啦！ 唔洗回头。