御泰坊-泰越菜

营业中

休息中

同朋友行开APM，咁就顺路食埋个dinner，朋友想食东南亚菜，见唔洗等位，就拣咗呢间试。同朋友点咗三款菜式：泰式青木瓜沙律配炭烧猪肉正常甜甜酸酸嘅青木瓜沙律，炭烧猪肉偏干身，肉质偏硬。农夫包配星洲咖喱软壳蟹超多汁，超浓味，软壳蟹嘅炸浆完整地吸晒d汁。香叶肉碎炒饭个饭比较油，少辣，味浓。整餐饭既野都偏浓味同咸，食完之后，超口渴。环境方面，都舒服嘅，唔会坐到好逼咁，位与位之间都有充足嘅空间。服务方面，个人觉得麻麻地，点餐嘅时候，侍应表现得冇乜耐性，好似阻住佢收工咁。