球哥燉湯

营业中

休息中

我系一个孕妇，之前去过呢间餐厅几次，但系今日呢次真系令我好唔开心。原本职员A(一位身形略胖嘅大婶）安排我坐一张四人枱，但系因为𠮶个位头顶对正冷气机，咁啱后面张四人枱有人走咗，我就问职员B可唔可以换位，职员B话可以。到职员A同我落单时发现我转咗枱，我表示因为原本个位好大风，佢话呢度系俾两个人坐，要我坐去角lok头对住bong墙嘅一个位。我已经成九个月多d，个肚成个箩咁大，坐𠮶个位对我嚟讲真系好迫，同枱嘅女顾客亦都帮我话我会坐得好辛苦，但系职员A仍坚持要我坐过去。我唯有话「咁我唔食喇」。赚钱做生意固然系餐厅好紧要嘅目标，但系如果可以做到令顾客感受到餐厅系有照顾佢嘅感受，客人自然就会想再帮衬。须知道一个大肚返工妈妈晏昼出街食饭想揾d健康嘅餐厅其实唔系咁容易，原本揾到球哥呢一间都觉得几好，仲介绍俾朋友，但系经历过今日之后，我以后都唔会想再嚟，相信呢间觉得我呢个大肚婆咁阻「订」、阻住佢做生意嘅餐厅亦都根本唔想我再嚟。