潮汕錦豐粉麵

营业中

休息中

前言：一碗云吞面，一碗牛腩面，对于我呢个系内地生活既港人，系一份情怀，更系一种乡愁。呢几年荃湾既变化好大，千色店楼下既津味，虽然唔好食但系都敌唔过强大既潮流～变左药房。荃湾有特色既牛腩牛杂已经属剩无几～Part.1 今日去完朋友公司倾完野，五点几～我的大哥急call我话今晚打包D翻屋企食，今晚唔想煮饭～ 冇办法唯有系附近望下有咩可以打包～跟住就望到对面街呢间粉面舖。Part.2 一入门就闻到好香既大地鱼及牛腩香～ 呢个香味已经说明呢个粉面舖唔简单，打包两盒牛腩 两打生云吞走人，塔小巴返屋企既路上，个泡沫饭盒同埋两个白色胶袋完全隐藏唔到牛腩既香味～我唔知其他人点谂，但系我已经狂吞口水～翻到屋企已经忍唔住要偷食翻一旧。Part.3 The End 偷食牛腩既时候先发觉师傅已经砍好哂 旧旧都一指粗，旧牛腩起手都唔算瘦，但系当我成旧放入口先知道个味道系几咁Amazing 入口𠮶下牛香味由嘴里爆发，牛腩唔会大软濑濑冇晒口感，两边既瘦腩肉加埋中间既脂肪一咬落去就将牛腩本身既卤汁爆发出黎，虽然旧牛腩系用卤水既做法但系却一D都唔咸，重有小小甜味同埋药材味系舌头中间散发。呢个牛腩，系我由细到大食过最好食