煌府西九龍 (已結業)

星期六朝早突然想饮茶，打开openrice search 下有咩酒楼可以去。结果发现西九龙中心新开左间煌府，有新野就当然要试啦😁。一入到去，够光猛，干净，装潢都唔错，坐得算舒服。但系d碟就呢到崩d个到崩d咁，虽然我唔系用只碟食野，但都唔系咁好。因为我地成十一点几先去，加上又系星期六，所以系食午市。都有d优惠组合俾大家选择。佢呢到有好多创意点心，但传统点心比较少，就系呢样野唔好，我想食腐竹卷都冇😢。创意点心我地叫左箭猪仔，因为佢好可爱，就俾我家老爷钦点左😆个包ge口感好好，外脆内软，几似炸馒头。中间有馅，系几种菇，我唔系好记得有边四种菇。不过有个败北，内馅少得可怜😥。不过整体而言，系好食ge。到其他点心啦，都算唔错，以下系部分我地order左的点心。呢到冇普通食开个只烧卖，只有呢款黑松露烧卖，仲要得两粒，盛惠18蚊。我食落去就唔系好有黑松露味，觉得有d唔系好抵。跟住落黎系我几钟意食ge红枣糕。味道唔会好甜，口感好有弹性👍🏻。不过佢卖相就.......😥我冇谂过咁样都会拎俾客，你系厨房执一执都好呀总之，食环境同味道，呢到系满足到你，所以你要预左呢贵少少。