Veggle Cafe (已結業)

之前买左团购「2 人 6'' 全素松露杂菌薄饼 或 素鸡牛油果汉堡配沙律及茶 (二选二)」，当日去到该店舖换取外卖，去到时间系5:40PM，女侍应话俾我知团购内写住适用晚市时段为5:30PM-8:30PM，但又写住营业时间为6:00PM-9:00PM，所以要我等到6:00PM先得，既然佢咁讲，我都照企喺度等啦。等到6:00PM，同一位女侍应话外卖已整好，我拎左之后发觉无左2杯茶，所以就问佢茶喺边，佢答：「我咪放左落去啰」，然后喺外卖袋中揾出2个茶包，我都系第一次买外卖野饮系连杯都无埋，得个茶包，虽然心生奇怪，亦都拎走外卖无再问佢点解，所以只俾茶包顾客，亦都唔知到底系店主定系该位女侍应嘅主意。团购写明系俾茶而唔系茶包，令人感到货不对办，外卖亦唔一定系拎返公司或屋企食，所以只俾茶包顾客，实在系好古怪。最后，感到该位女侍应实在礼貎欠逢，好似觉放左茶包就已做好本份咁。facebook message左店舖亦无人理会，系咪应该要重视下对客人o既服务呢？