Wanna Eat

营业中

休息中

今日约咗朋友去新蒲岗食lunch，之前都帮衬过一次，但今次真系好难食🤮我哋入座嘅时候系11:45 ，得返lunch set嘅餐牌，睇啱食乜就开始落单，马尾冇四眼嘅女侍应负责落单，我哋问佢今日餐汤系乜嘢，佢话唔知….我答佢「咁你去睇吓啦」，佢返到过嚟，竟然同我讲落单要15分钟之后先有得食，我话唔紧要，咁餐汤系乜嘢啊？佢好似如梦初醒咁，话要再睇睇，落完单，我哋足足等咗30分钟先有得食，首先嚟咗两杯嘢饮，感觉上系全餐最好㗎喇！餐汤系甘笋汤，我谂鲜榨一杯甘笋汁都仲杰过佢，我好似饮紧甘笋水咁😵⋯⋯主菜系蕃茄烟肉蘑菇意粉，我一片蘑菇都揾唔到，味道系超咸。我朋友叫𠮶个系忌廉黑松露鸡肉意粉🍝⋯⋯侍应摆到上张枱度就已经同幅相一样，好似俾人食过咁。多谢佢呢间嘢，令我咁想写一篇食评，服务差质素差，以后都唔会再帮衬。