影片
更多
2023-08-16
3557 浏览
女友小熊又要落北角出差，问我今晚 dinner 有咩意见，上次就入咗大坑食越南菜，今次想食炸鸡，系模糊记忆中，英皇道好似有间青绿色门面嘅炸鸡店，于是约小熊落去开餐.第一次去帮衬，于是先上 open 睇睇份 Menu 有咩好嘢食，哗! 点知负评比好评多! 即时想转呔转场，第二选择系 Five Guys! 但系上网睇睇 Five Guys 份 Menu 都无炸鸡，于是抱住先苦后甜心态，先食德克士，第二日去 Five Guys 嘅心态去食德克士.又话等好耐，又话D鸡腥，鸡唔热，普通话国语，服务差，负评一大堆! "咪听人讲，自己去亲身求证!" 系自己其中一个做人道理，于是就去试试睇佢有几差! 睇吓佢差唔差得过土瓜湾王阿玛!点咗最出名嘅卡滋脆皮手枪腿餐，饮绿翡翠青柠，朱古力新地，藤椒风味鸡腿块.小熊点咗芝士铁板嫩煎鸡腿堡套餐.优点:1, 先讲讲环境，店舖唔算阔落，冷气明显不足，其中一部冷气无开，我就专登走去叫佢开冷气，睇吓佢会唔会黑脸服务差，又无㖞! 肯开无西脸㖞! 而且由开冷气至落单，唔系普通话㖞! 我讲白话㖞!2, 卡滋脆皮手枪腿即系炸鸡脾，首先份量足! 唔似得 KFC 不停偷工减料! 味道
第一次去帮衬，于是先上 open 睇睇份 Menu 有咩好嘢食，哗! 点知负评比好评多! 即时想转呔转场，第二选择系 Five Guys! 但系上网睇睇 Five Guys 份 Menu 都无炸鸡，于是抱住先苦后甜心态，先食德克士，第二日去 Five Guys 嘅心态去食德克士.
又话等好耐，又话D鸡腥，鸡唔热，普通话国语，服务差，负评一大堆! "咪听人讲，自己去亲身求证!" 系自己其中一个做人道理，于是就去试试睇佢有几差! 睇吓佢差唔差得过土瓜湾王阿玛!
点咗最出名嘅卡滋脆皮手枪腿餐，饮绿翡翠青柠，朱古力新地，藤椒风味鸡腿块.
小熊点咗芝士铁板嫩煎鸡腿堡套餐.
优点:
1, 先讲讲环境，店舖唔算阔落，冷气明显不足，其中一部冷气无开，我就专登走去叫佢开冷气，睇吓佢会唔会黑脸服务差，又无㖞! 肯开无西脸㖞! 而且由开冷气至落单，唔系普通话㖞! 我讲白话㖞!
2, 卡滋脆皮手枪腿即系炸鸡脾，首先份量足! 唔似得 KFC 不停偷工减料! 味道无 KFC 咁咸到呕，皮脆肉嫩 Juicy 又热无腥味! 我撕开一半比小熊食，热到辣手㗎!
3, 薯条比老麦粗!
4, 藤椒鸡同样皮脆肉嫩，只不过比我想像中辣，食咗两三啖就转俾小熊食，小熊仲笑我话一D都唔辣，佢自己把口辣，食咩都唔辣㗎啦! 超!
5, 芝士铁板鸡包亦满意，都系肉嫩又热.
6, 等咗都无十分钟就有得食，当时客人有十个八个，速度正常啰.....
7, 价钱唔算贵.
缺点:
1, 一入门，就听到餐厅唔知播D咩歌，炒耳! 一系播D轻快D嘅歌，一系细声D啰唔该!
2, 相比起鸡脾，其实我更中意鸡全翼，但 Menu 无鸡全翼提供，连鸡中翼都只有辣味! 我唔食辣选择变少.
3, 朱古力新地奶味较重，我唔受得奶味.
4, 鸡就够哂热，薯条就唔够热喇!
另外一个奇景，亲眼见到后面果围枱，有个女人食碗仔翅物体，而对面枱客食杯面添! 咁你话，系餐厅质素差定客人差？
今次帮衬好好运，遇唔到D大问题，今次用餐经历满意，服务绝对好过土瓜湾王阿玛万倍! 希望下次同样满意!
张贴
