尚港味 (已結業)

老婆大人钟意食辣嘢可惜我唔争气搅到佢成日出去偷食！不过比我发现咗间有正宗川菜食之余又有唔辣嘅粤菜食，可一次过满足两个人的愿望即刻约佢出来试吓！讲紧就系呢间尚港味，位置咪就系糖街出名的卡拉OK旧址啰！入面装修冇娘味都几型仔，有别一般中菜店！先饮杯买一送一嘅荔枝梳打边食Nuts又真系几过瘾㖞！卤水拼盘拣咗五香金钱腱同五香卤水鹅掌翼，五香金钱腱有咬口又够淋仲好入味，卤水鹅掌翼又系劲好味唔会散修修卤得好！老婆大人叫咗水煮桂花鱼我都试咗一块鱼片，真系好鬼辣我投降呀！都系食番D唔辣嘅嘢好D，安格斯荞麦面D牛肉好香嫩，仲有好多翡翠苗好健康，荞麦面又爽又滑口感好正。老婆大人食葱油荞麦冷面好一样咁爽滑仲多一份凉爽好啱夏天食！