火之神

营业中

休息中

重阳节假期冇地方去，朋友忽然问我想唔想玩猫，佢话发现旺角有间餐厅有几只猫，钟意猫但未ready做主人嘅我，二话不说换衫出旺角。餐厅系位于女人街嘅地舖，一入舖唔见有猫猫，原来喺晒后面未出嚟，坐低叫咗嘢食有只好大嘅布偶就行咗出嚟，原来名叫咖哩，有只细布偶系佢嘅bb，名叫小咖哩。讲返嘢食，一睇餐牌嘅相片就畀佢嘅烧牛扒丼吸引，有啲似之前喺阿苏火山食嘅赤牛。我叫咗一份烧牛丼，朋友就叫咖哩富士山牛扒丼，钟意食生牛嘅叫三成熟应该最适合。我𠮶份加咗辣，要加五蚊。其他朋友就叫咗吉列猪扒滑蛋饭，担担面拼饺子，佢哋都话唔错，但我觉得自己叫嘅牛肉仲有特色。食到尾声有只个样好bb嘅猫仔出咗嚟，原来系只缅因，呢度啲猫都几亲人，不过大家开门出入要小心，有啲猫猫会钟意偷走。