鼎豐雞煲泰國菜 (已結業)

同朋友聚会成日都好难谂食咩菜或者类型嘅餐厅，打边炉／鸡煲／西日韩泰咁多都要啲时间谂，呢间翻新咗嘅鼎丰鸡煲泰国菜就有齐泰国菜同鸡煲，食完鸡煲再打边炉再食泰国菜，劲丰富。呢度仲有个牌写住每日时令嘅海鲜，可以食得新鲜啲刁钻啲。泰式特色鸡煲（半只）呢度有几款唔同口味嘅鸡煲，嚟到泰国菜餐厅就试吓泰式口味啦，鸡件份量都唔少，有好多金不换同干葱所以闻落好香，食落调味都几好，酸酸辣辣，好有泰式风味，几特别😆如果想打边炉食完鸡可以加汤再抲打边炉配料，呢日食唔落就无打到喇🤣🤣泰式青柠烧牛肉牛肉份量好多，生熟度刚好，几腍有肉味，点埋酸酸地嘅酱汁好夹👍🏻咖喱软壳蟹配蒜蓉包超级大份嘅咖哩，除咗蒜蓉包之外仲可以叫薄饼嚟送，咖哩够香但唔辣，适合一家大细。软壳蟹都有两大只，虽然浸满咖哩汁但仲有啲脆口。蒜蓉包脆卜卜，送咖哩汁一流😋😋椰子冰、青柠梳打食辣一定要叫杯野饮，大大杯，椰子冰就偏甜🥥珍多糕、西米糕餐厅最后仲送埋甜品，虽然已经饱到上心口🤣不过食埋味道正宗嘅泰式甜品就更完满☺️人均消费：$300推介指数（10分为满分）：7.5分