PASTEAKO

呢间新开意粉牛扒餐厅最近好hit 紧系要book黎试试啦一入门口可以先选择自己嘅刀具，把把都好有特色，仪式感满满。前菜有菠菜，酸酸甜甜嘅醋非常开胃意粉好大碟，可以自己选择咩酱配咩意粉。手工意粉好有咬口，啱晒意粉狂迷，大赞！更加可以系你面前刨cheese，多到你叫停先会停。好满足啊！ 肉类方面可以选择肉眼或西冷，我2款肉都食晒，肉味不太出，一般般啦。不过始终唔系专门锯扒嘅西餐厅，价钱摆系度，可以接受啦！甜品系tiramisu，依然系仪式感满满，会系你面前磨朱古力粉。不过我略嫌太湿，好似摆太耐融晒咁，口感麻麻地。