影片
更多
2021-07-19
1257 浏览
今次特登入大围食好西，对我黎讲唔算就脚，但其实冬菇亭响正美林巴士总站旁，由大围站行过去大概只系十分钟。到底呢度有咩吸引我山长水远去食？除左我同事住响大围就番佢，就系$198「无限时，一口价，免加一」的「鸡煲，串烧，打边炉」！即炒麻辣鸡煲四个人份量有一只鸡，上枱开火炒一炒就食得，鸡肉嫰滑，每件鸡都有酱包围住，个酱好好味，虽然店员无比我地拣辣度，食得出少少麻香，唔系好觉辣，正！除左鸡肉，煲内洋葱都好正！串烧每人可从28款自选4款，我地四个人总共选了十多款串烧！烧菠萝好多Juicy，同事一笃落去啲汁就喷左落我条裤度！乜料阿… 蒲烧鸡泡鱼干几特别，唔太硬身，好香口，份量亦都唔少。烧生蚝同烧扇贝铺满蒜粒，烧到金黄色，唔错！不过串烧有少少漏单，同店员追单串鸡肾同羊架，但后来上多次扇贝，同番店员讲唔系我地，佢都摷唔返属于边枱，然后同我地讲话「请你地食啦～」哈哈，多谢。食完鸡煲同串烧其实都半饱，所以火锅放题都唔系食到好多。而平时食完鸡煲就直接加汤打边炉，这里是另外换一个汤底，五选一选了特浓沙嗲汤底，好香浓，仲有花生碎粒。肉类食材选择有三款牛，一款猪及一款鸡，酒酿鸡件好香浓酒味，有惊喜，正㖞！之后仲有廿
今次特登入大围食好西，对我黎讲唔算就脚，但其实冬菇亭响正美林巴士总站旁，由大围站行过去大概只系十分钟。到底呢度有咩吸引我山长水远去食？除左我同事住响大围就番佢，就系$198「无限时，一口价，免加一」的「鸡煲，串烧，打边炉」！
即炒麻辣鸡煲
37 浏览
0 赞好
0 留言
即炒麻辣鸡煲
19 浏览
0 赞好
0 留言
即炒麻辣鸡煲四个人份量有一只鸡，上枱开火炒一炒就食得，鸡肉嫰滑，每件鸡都有酱包围住，个酱好好味，虽然店员无比我地拣辣度，食得出少少麻香，唔系好觉辣，正！除左鸡肉，煲内洋葱都好正！
串烧
22 浏览
0 赞好
0 留言
蒜蓉烧生蚝 / 扇贝
13 浏览
0 赞好
0 留言
串烧每人可从28款自选4款，我地四个人总共选了十多款串烧！烧菠萝好多Juicy，同事一笃落去啲汁就喷左落我条裤度！乜料阿… 蒲烧鸡泡鱼干几特别，唔太硬身，好香口，份量亦都唔少。烧生蚝同烧扇贝铺满蒜粒，烧到金黄色，唔错！
不过串烧有少少漏单，同店员追单串鸡肾同羊架，但后来上多次扇贝，同番店员讲唔系我地，佢都摷唔返属于边枱，然后同我地讲话「请你地食啦～」哈哈，多谢。
特浓沙嗲浓汤
15 浏览
0 赞好
0 留言
火锅放题
13 浏览
0 赞好
0 留言
迷你时令蔬菜篮
12 浏览
0 赞好
0 留言
食完鸡煲同串烧其实都半饱，所以火锅放题都唔系食到好多。而平时食完鸡煲就直接加汤打边炉，这里是另外换一个汤底，五选一选了特浓沙嗲汤底，好香浓，仲有花生碎粒。
肉类食材选择有三款牛，一款猪及一款鸡，酒酿鸡件好香浓酒味，有惊喜，正㖞！之后仲有廿多款食材，丸頪之外仲有鸭血，炸鱼皮，响铃等，啲肉同丸唔系未融雪果啲，我已经收货啦。迷你时令蔬菜篮无拣咩菜但啱食，卖相都几整齐。海鲜仲有广鸟蚝，鲩鱼片同扇贝等，蟹柳唔系平果种面粉蟹柳，面系原包出前一丁同辛辣面，感觉无悭食物成本拉。
第一次打边炉唔驶加豉油同调味料，净系要只生鸡蛋就够。不过见个调味料自助吧都无咩人行去咁，都系基本葱蒜辣椒碎，辣椒酱同竟然有烧汁。
火锅任食都有质素，连埋鸡煲同串烧唔驶$200埋单，性价比坚高！
张贴
