壹食就醉

营业中

休息中

香港嘅食肆餐厅实在太多，要突围而出，除咗做优惠，仲有乜嘢办法？有时候我都觉得餐厅好惨，明明香港人口好多，应该可以满足餐厅嘅营业额，但系香港嘅地少人多问题解决唔到，有时想约朋友食饭，呢度限时一个钟，𠮶度限时个半钟，一啲都唔尽兴😕所以计我话，如果想吸引人去食饭，就一定唔可以有限制时间，就好似尖沙咀呢一间楼上私房菜形式经营嘅中餐厅，除咗有供应火锅，仲有供应小菜。唔系朋友推介，都唔识得上嚟。呢一日我同男朋友叫咗两个𩠌，一个系佢哋最出名嘅青酒卜卜蚬煲，另外一个就系马拉盏炒通菜。 先讲前者清酒汤底令人印象难忘，唔会话极度浓香酒味接受唔到，反而佢做到系出到酒味之余亦都唔会唱到蚬嘅鲜味。蚬唔系话超级巨型𠮶一种，但系因为份量多，所以都食到啖啖肉。.马拉盏通菜系好多餐厅都有嘅菜式，但系呢度嘅通菜，仲落咗啲辣椒去提升佢嘅味道层次。赞好送饮品