花千樹 (已結業)

爸爸生日，食放题庆祝，原本打算系tablemap订位，发现花千树原来有promote生日优惠，只要其中有一个人7月生日，就享有全单七折优惠，仲可以全月无限次使用，几抵食每次食放题必叫清酒或者梅酒，但花千树就只系提供清酒，价钱都合理。清酒嘅味道比之前试过嘅纯，咁耐以来饮过最好饮嘅一只烧物方面，都算不过不失，一向钟意食烧菠萝嘅我，今次就有点失望，因为黎嘅菠萝都比较酸，仲好多渣。惊喜嘅系两款烧鱼都好好食，多春鱼食落去啖啖鱼春，鲭鱼亦好入味。刺身方面，冇咩特别，好普通，刺身口感比起其他同等级嘅放题店稍为逊色，而且刺身用碟上，冇用冰盘，感觉上冇咁新鲜。原本以为叫炒饭会比好多，原来只系一细碗，黎到都安心D，虽然只系普通一个炒饭，但觉得几好食，辣辣地，值得一试。讲完食物，就讲下服务，花千树嘅员工态度都好好，可惜上菜上得十分慢，而且成日漏单，我地好想试个薄烧牛肉，但落左两次单都无声无色。总括黎睇，如果有优惠嘅不妨一试，但如果原价嘅话就真系唔值喇。