影片
更多
2021-12-21
109 浏览
朋友赠我粉红炸弹咁开心💞💣，我哋就当然要食好啲。网上见到佐敦同尖沙咀交界开咗间新嘅靓靓打卡餐厅「Potluck Eatery」，好彩我哋预先订咗枱，否则Walk-in要八点半先有位，超高人气呢！餐厅环境比想像中还要靓，临近圣诞节🎄，门口位更设有满满节日气氛嘅布置。呢度占地面积大，座位之间有一定距离，所以客人坐得舒服。餐厅提供晚市套餐🍽，一共有十款选择，但价钱稍贵，计埋加一平均都要$300或以上。是日餐汤系蘑菇忌廉汤🍄，味道超浓郁，饮得出系用上大量菇菌打成。由于大大碗再加件蒜蓉包，饮完佢都已经饱咗三分一。芝士菠菜龙虾蟹肉意粉卷($298)，意粉卷又名Cannelloni🍝，佢系由一大块厚身面皮包裹住海鲜馅料，配合埋微酸嘅茄酱食🍅，既鲜甜又开胃。菜式面头有两件天妇罗炸大蟹钳，海鲜部份不仅如此，因为卷中间仲有龙虾肉同拆蟹肉🦞，同时亦不乏菠菜，但芝士就相对较少。我对呢道菜非常满意，一来好味道，二来够特别，唯一挑剔嘅地方就系略嫌份量偏少，始终意粉含量低。炭烧法式猪鞍架伴红桑子汁($348)，本身挣扎叫牛扒定猪鞍，但见猪有厨师推介就试吓👨🏻🍳。猪鞍处理得唔错，肉味香浓，肉质细嫩唔嚡，厚切让人品尝
朋友赠我粉红炸弹咁开心💞💣，我哋就当然要食好啲。网上见到佐敦同尖沙咀交界开咗间新嘅靓靓打卡餐厅「Potluck Eatery」，好彩我哋预先订咗枱，否则Walk-in要八点半先有位，超高人气呢！
餐厅环境比想像中还要靓，临近圣诞节🎄，门口位更设有满满节日气氛嘅布置。呢度占地面积大，座位之间有一定距离，所以客人坐得舒服。
餐厅提供晚市套餐🍽，一共有十款选择，但价钱稍贵，计埋加一平均都要$300或以上。
是日餐汤系蘑菇忌廉汤🍄，味道超浓郁，饮得出系用上大量菇菌打成。由于大大碗再加件蒜蓉包，饮完佢都已经饱咗三分一。
芝士菠菜龙虾蟹肉意粉卷
$298
5 浏览
0 赞好
0 留言
芝士菠菜龙虾蟹肉意粉卷($298)，意粉卷又名Cannelloni🍝，佢系由一大块厚身面皮包裹住海鲜馅料，配合埋微酸嘅茄酱食🍅，既鲜甜又开胃。菜式面头有两件天妇罗炸大蟹钳，海鲜部份不仅如此，因为卷中间仲有龙虾肉同拆蟹肉🦞，同时亦不乏菠菜，但芝士就相对较少。我对呢道菜非常满意，一来好味道，二来够特别，唯一挑剔嘅地方就系略嫌份量偏少，始终意粉含量低。
炭烧法式猪鞍架伴红桑子汁
$348
8 浏览
0 赞好
0 留言
炭烧法式猪鞍架伴红桑子汁($348)，本身挣扎叫牛扒定猪鞍，但见猪有厨师推介就试吓👨🏻🍳。猪鞍处理得唔错，肉味香浓，肉质细嫩唔嚡，厚切让人品尝到肉扒应有嘅口感🐷。此外，伴菜有烤新薯同车厘茄，两样食材简单又美味。酱汁亦系值得一提嘅部份，红桑子汁甜甜的，能够刺激味蕾，并同猪扒好搭调🍒。
套餐附送甜品，出品并唔马虎，🍫朱古力蛋糕甜度适中，兼且富有层次，其中有一层好冰冻，感觉似食紧雪糕蛋糕。
饮品方面，我哋要咗热伯爵茶同冻柠茶🍵，冻饮加$3，但原来茶包茶只供热饮，无冷泡。
总括嚟讲，呢间西餐厅无令人失望，除咗有靓靓装修之外，食物味道具高水准，摆盘富有心思✨，让人回味无穷。同时，店员们服务态度亲切有礼，抵赞👍。
张贴
