俺流塩らーめん (新都會廣場)

营业中

休息中

啲座位好多都好饭堂feel，得一张大枱成十张凳，一系就坐高凳，围住吧枱坐，哈比人、自己谂。两种枱同样难免有搭枱感受。望嚟望去得一张四人枱，坐咗唯一一张二人枱，喺最边缘，块隔板只系挡住向餐厅入面𠮶边，变相商场路人甲乙随便一望就见到你食相。嗌咗碗「墨汁鱿鱼豚角拉面」，即系五花腩粒同吊桶切圈。唔满意系鱿鱼明显仲有雪藏味，仲要丁点鱿鱼味都冇，以为食紧冇调味嘅斋。五花腩粒真系略嫌少，得五小粒。伴面嘅芫荽系小棵上，唔嫌阵荽徐系可以当菜食。唯一捞番啲价值系个汤底，有阵豆乳奶香，亦有种墨鱼汁鲜味，当汤饮亦唔会咸到上喉咙顶。