Yaki Biru (已結業)

天寒地凍，一個人係街度最想打個邊爐啦，但一個人兩條心未為多，除左邊爐之外可唔可以有些新意呢？走著走著，行到大角咀博文街，不知不覺呢條街原來已經發展到成條食街咁，粗略目測整條街可能有 2/3 都是食店來的，好事來的，船大不佔海，成行又成市。見到呢間 Yaki Biru 在門外已經感到好重日本味，彷彿去左大阪日本橋千日前那裡有一堆的地道小店，氣氛良好於是就行左入去。點左個 “冬祭 ShabuShabu”（牛肉）+ 昆布清湯 +追加烏冬。既然想滿足兩個願望，所以就叫左幾串串燒，一口牛，鹽燒雞翼，沖繩燒菠蘿，七味燒黑豚腩串。埋單大約 $220左右，但可以一次過“暖”足兩個願望，既可以食個暖笠笠既 ShabuShabu，又可以有幾串串燒，有雞有豚有牛有水果，飽到行唔郁，暖到腳趾都熱埋，抵食呀！