丁丁烤魚 (已結業)

烤鱼食得多，无限添食烤鱼真系未试过，朋友推介呢间大埔既「丁丁烤鱼」，出名可以一次过满足哂三个愿望，任食（烤鱼，鸡煲，火锅）今晚知道自己战斗力不强，只系叫左任食烤鱼火锅Set烤鱼拣左酸菜口味BB辣，一摆上台就香气扑鼻流哂口水，原条𫠐鱼都几大条，鱼肉质地有口感鲜甜不会腥，肉多骨少。鱼皮微焦配合埋酸菜开胃又惹味食完烤鱼，店员好快就帮我地换上另一个焗开始打边炉，汤底叫左滋补花胶鸡汤，材料够哂多汤底乳白色好正。火锅款式不少，推介⭐安格斯肥牛好嫩牛味重⭐海鲜沙白大大粒胀卜卜好鲜甜⭐手打墨鱼滑爽口弹牙⭐鹅肠好干净又爽脆⭐田鸡多多肉鲜同埋都够滑另外佢地小食都系任食⭐凉伴鱼皮大大块超爽⭐新鲜炸小馒头饮品雪糕都系任饮任食，总括来讲呢个任食烤鱼火锅套餐真系好抵食又好味，下次一定要来试埋个鸡煲先！