台灣小食 (已結業)

最近对仙草，芋丸很有怨念，除咗上网买一啲冰鲜芋丸（但由于送货需时，需要等到几天才有），今日放工之后忍唔住，搭的士冲落去旺角食呢碗，暖笠笠，份量十足嘅仙草芋丸。其实呢间铺除咗芋圆之外，仲有其他嘅台湾小食，包括胡椒饼卤蛋炸物等等。由于今日志不在此我净系叫咗一碗芋圆仙草热食。今日嘅天气冻冰冰得九度，落住微微细雨铺头冇乜人，等左三，四分钟到就已经有得食，主角芋丸烟烟韧韧真系不枉我搭的士冲过嚟，有馅嘅芋丸比较有质感有咬口，馅料偏甜，而烧仙草既汁亦都偏甜，不过热食既仙草我都系第一次试，冻冰冰嘅天气食一碗热糖水个人当堂无咁冻。其实份量都好多，你唔好睇芋丸得个三粒有馅，七粒冇馅其实好顶肚。今日除左买甜品即场食，仲买左一份生芋丸外卖，都系45蚊，有50粒，可以慢慢在家享用啦