壹蒸鍋

想食海鲜，就openrice咗呢间蒸气海鲜粥底火锅食下，拣呢间因为位置够方便，喺兆万入面。一共有三款海鲜窝锅拣，有：海鲜蒸锅、龙虾海鲜蒸锅、刺身海鲜蒸锅；我哋拣咗最基本𠮶款海鲜蒸锅，每人$209。海鲜以贝壳类为主，有蚬、鲍鱼、象拔蚌、扇贝⋯⋯加咗蒜蓉同粉丝蒸，好入味，海鲜未去到惊为天人嘅味道，但都食到有鲜味，好爽口。有好多粉丝呢点加分！食完海鲜锅后，仲可以加其他蒸品，我食咗紫薯淮山、小笼包、清酒蒸蚬、水蛋都好好食，而金钱肚就麻麻地。食完蒸品就食个粥，个粥用猪骨同蚬熬，渗入海鲜嘅味道。个粥好绵，唔洗加调味料都好够味，有丰富嘅海鲜同猪骨味，正！👍🏻三个人食，每人食咗两碗粥。啲员工好细心，会定时定候帮你搅下锅粥，较埋计时器，肯定唔怕煲到痴底！食完两碗粥都饱咗七成，但点都要试埋佢个边炉🤣，舀晒啲粥直接加清汤落个煲。边炉料都有好多，不过真系好饱，所以就叫咗雪花肥牛同娃娃菜。啲牛真系好靓好好食，仲好大碟，钟意打边炉嘅可以食少啲蒸品留肚打边炉。呢间餐厅嘅员工服务都好好，成日都走嚟帮我哋睇下个炉，又唔会嫌我哋成日加单好烦；虽然佢限时两个钟，但食咗两个几钟都冇赶我哋走，啲位系卡位，好好坐。