冧廚 (已結業)

因为屋企人喺附近返工，黎意到呢度晚餐时段有一个惊喜，就系可以一次过满足三个愿望。呢度一个价钱可以两小时内任食鸡煲，火锅同韩烧，加埋一都唔使$200，绝对系屯门牛街坊价，所以特地过嚟试下，虽然系工业区，但对出就有轻铁站同巴士站，一啲都唔隔摄。我哋最先食鸡煲，等上菜前试左人参鸡汤同小食，都唔差，够足料。鸡煲够惹味，当差不多食完时有啲后悔，因为已经有七成饱。 跟住就加汤打边炉，食咗咁多肉，当然系食番啲菜啦，所以主力都系食蔬菜类！其实食埋菜已经好饱，但点都要体验下韩烧😂，所以跟住都系烧蔬菜😂，同加两条多春鱼🤣。。。够哂健康！食饱，想埋单走㗎啦！但阿哥仔叫我哋咪走住，话出豆腐花，所以我哋食多碗豆腐花先走，好滑㖞，同山水豆腐花有得挥！