BEATS

营业中

休息中

又来到星期五happy hour嘅时候，上次去咗一间可以听歌嘅餐厅之后，今次带返班fd再嚟多一次，佢除咗个晚餐好抵食之外，仲可以听食客or驻场歌手唱歌，又可以同班friend倾吓偈，一乐也。今次餐牌唔同咗，原来佢定期会换餐牌，真系几好，可以定时有唔同嘅新鲜感比客人，唔使食嚟食去都系𠮶啲。环境方面，舞台气氛一流，有一啲食客可以自己上去唱歌，大家又可以比like俾心心，唱得好仲有烟花效果，真系一啲都唔马虎。食物方面，铁板烧虾配蒜片，呢个上菜仪式可以话简单而隆重，同事会有一个火会烧著个面，跟住就会碟下浮现出来，好有心思。另一个系蟹饼，蟹肉十足，煎得非常香脆。另外南瓜汤就不过不失啦，不过醒醒为都唔错。主食方面我哋拣咗烧春鸡同牛扒，牛扒嚟讲，师傅掌握得恰到好处唔会煎得太熟，亦都好锁住个肉汁。烧春鸡份量啱啱好，唔会太多，皮香肉滑，配埋菠萝嘅酸味，零舍醒神。总括嚟讲，除咗食物质素高质之外环境，及舞台设计都有好高嘅分数，真系好适合同三五知己嚟happy hour。