和藏 (已結業)

讲到食自助餐，大家可能会谂起去酒店食。但作为普通市民边有钱成日去酒店，近年兴起食楼上舖，今日就去咗一间系工厂大厦既。但一上到去，第一眼揾唔到间餐厅，原来佢个样系似生蚝批发多啲。因为系半自助餐，自助食品选择唔多，不过都够食，因为食返跟餐食物已经足够饱肚！同埋胜在有生蚝、长脚蟹、青口等任拎。海鲜拼盘卖相唔错。虽然佢会送上拼盘，但芥末同铰剪要自己出去拎，未够方便，有待改善。三文鱼食落无雪味，鱼肉亦结实。食长脚蟹识食一定系原只脚开。蟹肉鲜甜多汁，正！其他食物普通，惟带子太细，而且望落暗淡无光，入口亦毫无鲜味，较失色。所谓生蚝批发供应商，我当然要试下佢啲生蚝。不过佢啲蚝未够肥美，入口略带腥味。京烧猪仔骨，烧得恰度好处，皮脆肉滑，多汁唔会dry。重头戏安格斯牛火锅。个锅系粥底，啲粥煮得好绵，落牛肉前可以先食啲粥，唔只填肚，简单享受黎。温罄提示，大家可以早啲叫上。啲安格斯牛肉好香，但需要打耐啲先熟。(可能因为系粥底)出面仲有打边炉既配料任拎，不过我就已经食到饱一饱，所以无再加到。大家黎食自助餐都要尽力而为呀，唔好哂野。呢度仲有样隐世美食，豆腐花。无错，系西餐厅食中式甜品!佢滑不留口，而且充满豆香。豆