101肉燥飯專門店 (西洋菜南街) (已結業)

差啲揾唔到个入口，原来系要搭䢂上嚟嘅。 喺䢂入面已经见到佢卖广告，卖既系下午茶，价钱同卖相似乎都唔错一开䢂门就已经系间餐厅， 好彩我哋嚟得早，都未算好full。 因为唔想烦同埋太肚饿，所以明明三个人都叫咗个四人餐。 前菜有花枝丸；台湾肠；盐酥鸡；同埋芝士薯角，超级好食！ 特别要赞下呢个盐酥鸡！真系炸得好香！ 粉唔会太厚，炸得呢啲肉又唔会“鞋”𠮶下先至好嘢 呢个火锅比我感觉就系吉野家既放大版，三个人食都OK!入面除左有肥牛；豆卜；玉子豆腐；台湾肠；菜；花枝丸；仲有三杯鸡；少少辣辣哋嘅惹味！个鸡应该同盐酥鸡系同一个品种，因为个肉质食落去个感觉都系一样嘅。不过个人就钟意炸嘅盐酥鸡多一啲，香口d。肥牛唔算好肥，食落去都几烟靭。 两个主食嘅其中一个拣咗呢一个，因为冇食过牛颈脊唔知系咩嚟嘅。大乡里出城咁以为佢系牛扒，出到呢个感觉都几好味，好似猪颈肉咁爽！ 另外就配咗芝士捞乌冬，少少后悔啦个人钟意食面多啲。 但其实佢个乌冬好弹牙，芝士都好香浓。 食台湾野唔系饮珍珠奶茶就系饮苹果醋。因为怕太饱所以我拣咗后者。苹果醋加冰简直系一大享受 ！酸酸甜甜好开胃！ 其实女人真系好钟意放到成枱都系野食！ 呢个感觉真