嫲嫲雲吞雞 (崇齡大廈) (已結業)

新蒲岗有唔少上海嘢食，呢间成日都客似云来，经常坐满人。呢度之所以咁爆场，佢可以满足到想食款式多但胃口又唔大嘅人。因为佢可以拣半份或者一份，啱晒我呢啲样样都想试嘅人。我哋叫咗半份京葱爆牛肉、半份黄金四季豆、半份黑醋小排骨、半份蒜香孜然排骨、半份酸辣汤。⭐️京葱爆牛肉京葱炒得好香，牛肉有腌过，唔会韧，好好食👍🏻⭐️黄金四季豆咸蛋黄同四季豆简直系绝配，四季豆加咗咸蛋黄炒变得好香口，四季豆够爽口，非常惹味！🌟黑醋小排骨排骨落左黑醋去炒，食落酸酸地，非常开胃，送饭一流⭐️蒜香孜然排骨排骨用蒜头同孜然一齐炒，够晒镬气，蒜味超香。⭐️酸辣汤酸辣汤半份嘅份量都相当大碗，而且好足料，有鸡蛋、笋、木耳丝等等，酸酸辣辣，非常醒胃！