三郎麵燒屋 (已結業)

今晚本来730要返学，陈老师话怕我又逃学，要陪我食饭兼送我返学。咁好嘅姊妹陪伴，更系揾啲好嘢食下。揾到呢间嘢，咁搞笑，又车仔面又串烧 (都系我吃货小熊嘅飞佛) ，就去试下啦。一向对长沙湾食店情有独钟，细个呢头读书，有好多有质素嘅小店，所以经常喺呢头出没。讲返三郎先，因为唔太肚饿，所以只叫左串烧类，先有小熊嘅至爱金菇肥牛卷、有陈老师喜爱嘅鸡润、大家都想食嘅蒜蓉茄子同羊架。第二轮叫左猪颈肉，九菜，牛柳粒，牛舌，鸡肾，同再encore 金菇肥牛卷。除左鸡肾咬唔开之外，其他食物都唔错。以上食物加埋两啤酒一汽水都系$198，边度揾吖。