越泰 (已結業)

呢间餐厅之前听同事介绍过，话食物质素唔错仲成日排哂长龙，所以放工后就揾埋朋友一齐试下！餐厅叫越泰，顾名思义就系有越南野同泰国野食🇹🇭🇻🇳泰国野必食一定系小食拼盘！酸辣凤爪调味十分好，仲配上蕃茄、洋葱同西芹，加上酱汁酸酸辣辣好开胃！虾饼炸得非常香脆同弹牙，鱼饼未食已经闻倒柠檬叶既香味，食落香料味浓郁，春卷馅料丰富，咬落脆卜卜生牛肉河，汤底清甜，加上配料如洋葱，九层塔，香葱同青柠，又额外多左清新既感觉。牛肉份量颇多，唔会太肥亦唔鞋口。河粉入口滑溜。檬要，即系蕃茄蟹肉汤檬。蕃茄汤底浓郁，配上蟹肉增添鲜味，扎肉有两款。其中一款仲加左鸡软骨，口感更丰富。海南鸡饭，鸡肉已经去骨非常嫩滑。鸡皮薄身而且好滑溜。饭粒有油香，有咬口又唔会过硬。粉丝虾煲，虾肉爽口弹牙，粉丝炒得干身，索哂虾既精华大家都食到好满足店铺仲有提供午餐同下午茶，第日放饭又多一个选择！