橫浜水產磯燒+遛Local Bar@Grill & Hot Pot (已結業)

好耐无见友人，星期五收工约咗佢去旺角食放题放肆一下。我哋拣咗刺身头盘&火锅烧肉双放题。刺身头盘有六款，款款新鲜又大旧，味道鲜甜唔错。台炉一边系火锅，另一边可以烧肉好方便。汤底我哋拣咗横浜昆布汤，味道较清淡，好啱去下烧肉嘅油腻感。餐厅内有自助区，大部份常见嘅火锅配料都有提供。另外仲有已煮熟嘅即食海鲜、串烧、日式小丸子、寿司等，好多选择。安格斯牛肩肉好有牛味，个人比较钟意烧嚟食，味道更加香浓。豚肉腩片有啲偏肥，烧完油脂味几重。