阿久根和牛立燒店 (已結業)

依间餐厅店舖细细，但嘢食选择好多，本身以为净系得日式烧肉，但原来仲有涮涮锅！首先叫左个阿久根和牛涮锅($148)，系寿喜烧汤底，好甜好浓味，牛有三款，分别系肉眼、三角肋肉、同肩胛，各有千秋。肉眼就入口即溶，啲纹好靓！三角肋肉牛味重油脂都多。肩胛系运动较多嘅部份，较为有口感。除左肉之外仲有菜、菇、豆腐、乌冬等等。生菜仲系免费添！另外当然要试烧肉，叫左牛小排（$148）同黑豚西冷（$78）个牛油花均匀，肉质结实，口感真系好好！个猪就好薄，烧完几脆，但都保持到多汁。今餐真系好丰富，材料高质，选择又多！