Sodam Chicken (已結業)

我地大概六点钟到，店内无咩人，柔和既灯光配合jazz style既韩文歌比人好chill既感觉。因为平日去开既韩国餐厅都好嘈，音乐又播得劲大声，连朋友讲野都听唔到，所以相比之下呢到既气氛好好多。首先要赞既系份量十足，四个女仔叫三样食物都食得好饱。先讲下柚子柠檬炸鸡，一旧鸡起码有一个手掌咁大，外脆内软，肉质鲜美，鸡味同柚子味都几夹。柚子味道香甜清新，中和左炸鸡既油腻感。第二样系水冷面，面条好有质感，唔会太淋，吸哂个汤既精华。另外配菜都好好味！有泡菜同鸡蛋。系炎炎夏日食番碗水冷面，仲爽过凉冷气！最后我地叫左烟熏烤鸡，闻起上黎有bbq既味道，食起上黎有德国咸猪手既味道，几新颖既一道菜。味道浓郁，鸡肉唔会太硬唔会太干，比较适合重口味既人。整体黎讲，作为韩国炸鸡流入香港既先锋，sodam chicken既水准都keep得几好，唔会输蚀于近年新兴既韩国炸鸡餐厅。而且食物花样多变，间唔中就会出下新菜式，令人食指大动。下次去一定要试下三重鸡同芝士锅！