喜亭軒 (已結業)

今日嚟到旺角，朋友介绍依间任食火锅，唔单止有好多嘢食，有鸡煲，刺身，海鲜，雪糕，韩国雪条，自制饮品，仲有小食，例如盐酥鸡，猪耳，云耳，真系讲都讲唔晒有咁多嘢食啊！自己最欣赏嘅，就系佢食完个鸡煲，会转一个韩式烧烤tray俾你，隔篱又可以打边炉，肉类有两种食法，又可以烧烤，又可以打边炉，真系满足晒所有愿望呀！边有间餐厅可以咁好㗎 ！ ！ ！佢仲有sauce吧，有烧烤酱，同埋打边炉配料，应有尽有。我自己最钟意，就系最后𠮶轮，叫咗乌冬，真系日本稻庭乌冬啊！为完美嘅一餐画上句号我想highlight一下，佢嘅雪糕牌子系movenpick ,仲有特别味道，自己叫咗cream burlee. 好好食㖞！两个人除返都系三百几蚊一个，喺出边边度揾到咁平呀！物超所值！性价比高！