發哥粥底海鮮火鍋 (已結業)

好中意打边炉 但打得多又想搞啲新意思 所以黎发哥粥底海鲜火锅食个有好多step 好正嘅海蟹餐Step 1系头盘 炖汤同焗青口小食 炖汤好有惊喜 超级热辣辣仲好多料 但个青口更抢focus 用左磨得好碎嘅蒜蓉加上泰式汁黎焗 惹味又香口 做开胃菜一流 因为我愈食愈想食🤣Step 2就系重头戏啦 打边炉汤底系粥水黎 煮完啲海鲜就会变成鲜甜粥底 而家就要放个海鲜盘落去 入面有好多野架 鲍鱼可以冰镇或者新鲜2拣1 新鲜果款好劲 喺个盘上面都仲见到佢郁下郁下 煮熟左之后好厚肉 口感弹牙 好高质另外就有我地海蟹餐嘅主角 海蟹啦 一样系鲜甜 多肉 仲有羔 🤟🤟 其实仲有好多大大只又靓嘅海鲜 不能尽录 🤪食完海鲜step3就系正常边炉 可以自选8款边炉料 其实突出嘅系顺德酿冬菇 厚身冬菇加上佢地自己手打嘅虾胶 多重口感 非常有特色😍食完成个边炉 仲有个step4! 呢个时候 个汤底已经超鲜甜 加埋佢地一早准备好嘅粥胆就系一煲好绵嘅海鲜粥了 食埋个粥我就饱到傻左了 大满足呀😝下次约埋一大班friend可以encore🤤