吉列牛忌廉烏冬專門店 (百樂中心) (已結業)

本人系几钟意食牛肉同乌冬既，今次同妈妈过海黎到铜锣湾食间人气性价比高既餐厅，又有忌廉乌冬又有吉列牛食，正呀！今次叫左个二人餐再加两个小食，二人餐包左吉列牛定食同咖哩忌廉乌冬再加两个汽水。一开始黎左乌冬，成个面都系忌廉见到既时候有少少不知所措，但入面其实系咖哩牛饮乌冬。面质系我最爱既弹牙感，咖哩加上忌廉唔会太腻。另一个重点系牛肉质地好好，开头有谂过跟面食既牛肉未必好食但呢到个牛肉有肉汁又好淋滑。另一个定食系呢个吉列牛定食，系呢到另一主家，肉质同油香都十足，上枱时肉系大概medium熟道，用上石板加热可以系食个时都热辣辣，酱汁有一个加左wasabi既沙津酱食落几夹牛肉。另外今日仲叫左两个小食，分别系kobekyu秘制蛋卷同蒜片牛舌芯。蛋卷中间有芝士卷心，食落有层次。牛舌芯相对一般，可能系太薄同我地冇即刻食佢，有啲干身，比起印象中弹牙既口感欠奉。总结我觉得餐厅性价比真系好高，同时好多款食物水准都有中上水平，值得回头黎多几次。