影片
更多
2021-06-17
90 浏览
夜晚放工约咗朋友聚一聚，就决定嚟东哥食鸡煲火锅点心放题，价钱系$188，另加$10酱油费同加一费用。出面一般点心放题都要百几蚊，而家除咗食点心仲有得食鸡煲同打边炉，真心觉得好抵。去到餐厅未到19:30已经差唔多坐满哂人，好彩我哋有book枱，店员都非常好客同埋热情招呼我哋入座。点心共有12款，都系一啲平时饮茶比较受欢迎嘅点心。而火锅方面可以叫鸡煲或者其他汤底，火锅配料款式众多，啱晒我呢啲咩都想试嘅人。饮品同酱料都系都系自助形式嘅，任君选择。火锅汤底方面我哋就叫咗澳门猪骨煲，汤底好足料，有大大旧猪骨、粟米、萝卜同埋唐芹，饮到啖啖既猪骨同蔬菜嘅甜味。美国顶级肩胛牛肉、澳洲和牛粒肉质几腍，牛味几出金菇、鲜冬菇同埋粟米新鲜，而且处理得几干净。鲜虾韭菜饺细细只，放题来讲几贴心，食完唔会觉得太饱，好香韭菜味道。芝士肠同埋包心虾子丸嘅质素都唔错。另外仲有一次性嘅新鲜手打墨鱼滑，食落几鲜味，而且爽口弹牙，唔错。点心方面，虾饺外皮厚薄适中，虾肉都几多，爽口弹牙。烧卖大大粒，猪肉新鲜爽口，而且仲有冬菇同虾肉，调味啱啱好。凤爪味道香浓惹味。芋头蒸排骨啖啖肉，排骨肥瘦适中，肉味浓，芋头蒸得好腍好入味。炸物方面
夜晚放工约咗朋友聚一聚，就决定嚟东哥食鸡煲火锅点心放题，价钱系$188，另加$10酱油费同加一费用。出面一般点心放题都要百几蚊，而家除咗食点心仲有得食鸡煲同打边炉，真心觉得好抵。
去到餐厅未到19:30已经差唔多坐满哂人，好彩我哋有book枱，店员都非常好客同埋热情招呼我哋入座。
点心共有12款，都系一啲平时饮茶比较受欢迎嘅点心。而火锅方面可以叫鸡煲或者其他汤底，火锅配料款式众多，啱晒我呢啲咩都想试嘅人。
饮品同酱料都系都系自助形式嘅，任君选择。
火锅汤底方面我哋就叫咗澳门猪骨煲，汤底好足料，有大大旧猪骨、粟米、萝卜同埋唐芹，饮到啖啖既猪骨同蔬菜嘅甜味。
美国顶级肩胛牛肉、澳洲和牛粒肉质几腍，牛味几出
金菇、鲜冬菇同埋粟米新鲜，而且处理得几干净。鲜虾韭菜饺细细只，放题来讲几贴心，食完唔会觉得太饱，好香韭菜味道。芝士肠同埋包心虾子丸嘅质素都唔错。
另外仲有一次性嘅新鲜手打墨鱼滑，食落几鲜味，而且爽口弹牙，唔错。
点心方面，虾饺外皮厚薄适中，虾肉都几多，爽口弹牙。烧卖大大粒，猪肉新鲜爽口，而且仲有冬菇同虾肉，调味啱啱好。凤爪味道香浓惹味。芋头蒸排骨啖啖肉，排骨肥瘦适中，肉味浓，芋头蒸得好腍好入味。
炸物方面，上枱热辣辣，外皮酥脆而且一啲都唔油腻，沙律虾春卷酸酸甜甜几开胃，而咸水角外皮软糯，好香口。
红枣糕口感烟韧，味道清甜。
张贴
