Tom Bar & Grill

营业中

休息中

星期五放早，同男朋友揸车泥度科学园睇下海拍下拖，顺便食个海景晚餐。我同男朋友的口味有少少唔同，我中意食grill同西餐，佢中意食亚洲菜。难得呢间 Tom Bar 有齐西餐同亚洲菜，我地可以叫番自己中意食嘅野唔洗争。我叫左烧牛仔柳配红酒汁。我中意食Medium嘅牛扒，佢地都烧到我中意的熟度，肉够嫩，表面煎得几香，食得出有用牛油增加香味。略嫌红酒汁唔够，不过牛仔柳本身都够味。惊喜位系薯条，估唔到都几有心思。本身以为系就咁炸薯条，但佢地加左蕃茄莎莎、巴马臣芝士、香草同沙律酱，我仲会点少少红酒汁，薯条吸晒所有肉汁同精华，超好食！我系度锯扒之际，另一边厢我男朋友系我对面剥椒盐濑尿虾，个画面好好笑 。不过碟濑尿虾都真系几香，始终炸蒜点都有佢嘅魅力。虽然个人好懒剥壳，都忍唔住剥左两只濑尿虾泥食。椒盐味好到位，虾肉好新鲜，食左少少壳，好脆口同惹味。值得推介。我地仲叫埋西芹炒鸡丁，有点眼阔肚窄不过份量唔算多。我超中意食西芹，佢地都炒得几爽口。不过略嫌茨汁有点咸，同埋鸡肉唔多。