圍威喂正宗養生海鮮火鍋專門店

营业中

休息中

今日经过见到呢间火锅店好抢眼，门外已经布置好圣诞节浓厚气氛，门外个招牌😂好有趣「进店暴富」，即刻拉埋朋友仔入去食啦～暴富呀💰呢度主打任食火锅、任食鸡煲、海鲜船，仲有炖汤，望住个餐牌已经感觉到丰富🤩我哋拣左A+B+C $298/位，已经包含鸡煲任食，火锅任食，海鲜船同牛脊肉加炖汤。首先上头盘，大大碟份量好多下，有凉拌带子裙边、大大片泡椒鱼皮、芥辣八爪鱼同海草沙律养生炖汤~今日系乌鸡炖玛卡，药材味好香浓超足料，好滋补！跟住上海鲜船，一上枱😱超大盘，有蛏子、虾、花蛤、有几款贝壳类、鱿鱼仔、蚝…有好多唔同种类嘅海鲜，洒上大量芝士粉同蒜蓉，好惹味！底层仲有乌冬同粉丝，食完已经好饱😂鸡煲任食～同样大大煲，辣中带麻，入面仲有猪皮同年糕配料。鸡件肉质嫩滑，啖啖肉火锅任食～唔想用鸡煲做火锅汤底,只需加$40可转边炉汤底，我拣咗特浓茄迷情，又系大大煲😆特浓蕃茄汤酸酸甜甜可解油腻感，任食配料可于自助区内自选，有各式各样蔬菜同边炉食品。推介手切牛颈脊，肉质鲜嫩，厚薄均匀，肉味香浓👍🏻另外各式饮品都系任饮，怀旧玻璃樽汽水，罐装汽水，柠檬茶等等。