許祥昌食店

营业中

休息中

如果同人讲入元朗食车仔面，大部分人都会讲永X。永X好唔好食，我唔知。因为次次去亲都排哂队，我无耐性等。今次同朋友系偶然机会下路过入去食，食完先知佢原来都咁多粉丝。为左支持小店，决定开始我的食评生涯。去许祥昌的车仔面，第一样就系无得拣𩠌。决定左SIZE(小/大/加大)同面底，就唔需要再拣，咁样真系帮到好多有选择困难症既朋友。我叫了一个大面, 再加一杯红豆奶茶，朋友要左一碗细。我做过对比，其实大同细，真系除左面底以外，𩠌系无分别的。真系样样都有齐。除左车仔面，佢既红豆奶茶又系值得推介的。好多茶记/连锁店的红奶茶，我都觉得太甜。甚至有部分专做饮品既茶店，标榜用日本既红豆去冲奶茶，我饮落口，除左甜，还是甜。呢度既红豆奶茶就唔同，茶真系有茶味，唔系得个色。红豆唔会过甜，无喧宾夺主既感觉。最后，其实食车仔面，就系要咩𩠌都有先好食。而家坊间食车仔面每叫一款𩠌就加几蚊，想食多几款就贵过叫小菜食饭。呢度廿几蚊有成十款𩠌，性价比极高。