川婆婆 (寶勒巷) (已結業)

平时边炉放题就食得多，但一次过有齐鸡煲边炉烧烤就真系少见🙈 今次介绍嘅川婆婆系位于尖沙咀宝勒巷嘅川菜餐厅，主打任食串串套餐🍢 价钱$288-$358，任食100分钟，时间虽然唔算长，但已经食到捧住几磅肉走🤰🏻首先餐厅会送一份鸡煲，我地2个人去会有半只鸡🐔 鸡煲系小辣，但酱汁好浓，d鸡好入味😋 2个人食完半只鸡都半饱。打边炉方便，餐厅有自家首创嘅茶底麻辣火锅，上枱时有成个茶包喺汤底入面，真材实料。因为麻辣香料太惹味嘅关系，我就唔系太食到茶味🤣 但食完之后又唔会口咙痛或者好口渴，唔知系咪茶包中和左无咁热气呢😌😌配料方面，我地套餐包左牛肉，我地叫左牛颈脊同埋牛小排，2样肉都非常高质！作为牛魔王嘅我就钟意牛小排多d，厚薄适中而且牛味好重，打边炉最正❤️ 其他配料可以去出面自助吧攞，基本嘅丸类肉类蔬菜面类都有齐，仲有d串串肉系烧烤用嘅，一应俱全😁食完鸡煲就可以换铁板烧烤，我最推介嘅系鸡软骨，又系用椒麻香料腌过，用铁板烧到㶶㶶地好脆口，拍得住大排挡嘅椒盐鸡软骨🤣🤣除咗野食，饮品都系出面雪柜任拎任饮。惊喜嘅系佢地仲有玻璃樽装汽水，我地每人都饮几枝先走😛